კორპორაციული სოციალური პასუხისმგებლობა ჩვენი კომპანიის საქმიანობის განუყოფელი ნაწილია. კომპანიის სოციალური პროექტების მიზანია, კონკრეტული ვალდებულებების მიღმა, ადგილობრივ თემებს მხარი დაუჭიროს გაძლიერებაში და გახდეს საიმედო მეზობელი შუახევი ჰესის არეალში მცხოვრები მოსახლეობისთვის.
ჩვენ, სოციალური პროექტების განხორციელება 2014 წელს, შუახევი ჰესის მშენებლობის პარალელურად დავიწყეთ და დღემდე, უკვე ელექტროენერგიის გამომუშავების ეტაპზეც ვაგრძელებთ.
ადგილობრივი მუნიციპალიტეტების, არასამთავრობო ორგანიზაციების და რაც მთავარია ადგილობრივი მოსახლეობის ჩართულობით განვახორციელეთ ასობით პროექტი.
წარმატებული პროექტებიდან გამოვყავით 100 გამორჩეული პროექტი, რომელმაც მნიშვნელოვანი როლი შეასრულა, როგორც თითეული ადგილობრივის, ასევე რეგიონის გრძელვადიან განვითარებაში.
